Dinglaðu þér

Þeir sem ekki þola að fá bækur í jólagjöf, þá er kannski tími til að gleðjast!

Í morgun vaknaði ég við að mamma öskraði “FARÐU!!, út með þig!” og ég auðvitað hélt að hún hefði komist í hassskápinn upp á háalofti, svo ég sest upp og horfi fram, þá sé ég mömmu hlaupandi á eftir fugli og kötturinn á eftir honum, svo ég hélt augljóslega að mig væri að dreyma svo það leið yfir mig af þreytu aftur (EKKI HRÆÐSLU!!). Svo vaknaði ég og sá að gólfið hjá mömmu var fullt af fjöðrum, annaðhvort hefði mamma verið í koddaslag eða þá að fugl hefði komist inn. Og það var fugl sem komst inn.

En hann lifði samt af, missti samt mikið af fjöðrum og eflaust geðheilsu.

Ég ætlaði mér að gista hjá Finni um helgina þegar ég færi til reykjavíkur, en nú verð ég að leita annað. Ástæðan er þessi

Jæja, ef ég blogga ekki næst þá er komin kreppa og ég verð farinn sem flóttamaður til vatikansins (ef þeir vilja taka við mér) eða þá að ég nenni ekki að blogga.  Eða bretland sprengir okkur í tætlur, þá verð ég dáinn og þar af leiðandi get ég ekki bloggað. En í alvöru, ég held ég sé að fá taugaáfall,  síðast þegar það gerðist, var þegar þegar kók í dós var hækkað úr 105 krónum í 135 krónur en ég jafnaði mig fyrir rest.  En ég er ekki að fatta neitt í þessu helvítis kreppuógeði, mun bara allt fara á hausinn, Ísland fara á hausinn og við missum sjálfstæðið? Og svo kemur einhver þjóð og kaupir okkur og ef þau eru með her, þá fara allir karlar í herinn og allt brjálað?!

Ég er með svona sýn í hausnum á mér og það er ekki falleg sýn.

Sé fyrir mér Fellabæ, mannlausan bæ og búið að setja upp kjarnorkuver í Fellabæ, svona strjáboltar fjúkandi um og bara kettir labbandi um, svo er ég í danmörku á heræfingu! HVAÐ ER AÐ GERAST?!?!

Annars allt fínt að frétta.